لاعبين المنتخب المغربي: ماتش جنوب إفريقيا مهم عندنا بعد التعادل السلبي مع الرأس الأخضر

عبرو اللاعبين ديال المنتخب الوطني المغربي على الرغبة ديالهم باش يربحو الماتش ضد جنوب إفريقيا السبت الجاي برسم إقصائيات كأس إفريقيا، وأكدوا أن المباراة مهمة لهم بزاف واخا ليكيب ناسيونال ضمنت التأهل إلى كوب دافريك.
وخلال الحصة التدريبية الأولى ديال المنتخب المغربي بجنوب إفريقيا قال أنس الزروري لاعب ليكيب ناسيونال: "الماتش الجاي ضد جنوب إفريقيا مهم لنا بزاف، خصوصا وأن الماتش أميكال اللي فات ضد الراس الأخضر خرجنا منو غير بتعادل وهذا الشي غيخلينا ندخلو نربحو جنوب إفريقيا".
وتحدث الزميل ديالو بالمنتخب المغربي زكرياء بوخلال وحتى هو قال: "الماتش ضد جنوب إفريقيا مهم بزاف حيث آخر ماتش اللي كان ضد جنوب إفريقيا ما ربحناش، ودابا باغيين نربحو باش نكملو العام مزيان وباش نشوفو حنا فين واصلين فلافريك، وحنا دابا كل ماتش كندخلوه باش نربحو وخاصنا نربحو أي مباراة ودابا راه جايا كأس إفريقيا وكلشي عارفنا بلي باغيين نربحوه
إلياس الشاعر حتى هو ما خرجش من لكروب وأكد: "الماتش ضد جنوب إفريقيا مهم بزاف حيث درنا تعادل مع الرأس الأخضر وخاصنا وخاصنا نديرو شي نتيجة مزيانة باش نساليو هذا السطاج مزيان".