لامين يامال كيعلن موافقتو على دعوة مدرب اسبانيا باش يلعب مع المنتخب الاسباني

علن لامين يامال اللاعب المغربي الاصل من باه، الموافقة ديالو بشكل علني على اللعب للمنتخب الاسباني.
وخرج جوهرة البارصا، فأنستغرام ديالو، وتفاعل مع الدعوة اللي صيفط له مدرب منتخب اسبانيا لويس دي لافونتي باش يلعب مع لاروخا، ونشر لائحة المنتخب الاسباني اللي فيها الاسم ديالو، وكذلك نشر تهنئة فريقو البارصا له حيث عيمشي يلعب مع اسبانيا.
وصيفط لويس دي لافونتي مدرب اسبانيا دعوة إلى لامين يامال لاعب البارصا من أب مغربي وام من غينيا الاستوائية للالتحاق بالمنتخب الاسباني، وهكذا كيكون اللاعب مول 16 عام فضل يلعب مع اسبانيا فين تزاد وكبر على المنتخب المغربي بلاد باه، مع العلم ان الناخب الوطني وليد الركراكي ما صيفطش له دعوة باش يجي يلعب مع المغرب.