ولاية ميريكانية دارت قانون غادي يعطي للأطفال المؤثرين جزء من الأرباح

ولاية إلينوي الميريكانية أول ولاية كتخرج قانون كيعطي للدراري المؤثرين فالسوشل ميديا الحق فحصة من الأرباح لي كيدخلوها من المشاركات ديالهم فإنتاج المحتوى في الأنترنت.
السناتور كولر، لي دار مشروع القانون، قال أن السوشل ميديا، دارت فرص جديدة للناس باش يربحو لفلوس، وبزاف ديال الآباء ربحو الزبابل ديال الفلوس بالمشاركة ديال إبداعات الوليدات ديالهم، وقال كولر أنه ضروري نحميو حقوق هاد الوليدات فهاد السياق الرقمي.
هاد القانون الجديد غادي يبدا في يوليوز الجاي، وغادي يكون أول قانون فالولايات المتحدة لي كيعطي للوليدات المؤثرين على سوشل ميديا حق قانوني باش ياخدو حصة من الأرباح لي كيدخلوها من إنتاج المحتوى فالأنترنت.