بغات تقابل الحراكة.. بريطانيا دارت اتفاقية مع شركة باش تحضي فيسبوك

الحكومة البريطانية دارت شراكة جديدة بين الأجهزة الأمنية ديالها وشركات مواقع سوشل ميديا، باش تعرف شنو كيدور فلأنترنيت بخصوص الهجرة للمملكة المتحدة بطريقة غير شرعية، وغير بلفلوكة.
وكالة الأنباء الفرنسية قالت إن الشراكة لي دارت بين وكالة الجريمة الوطنية البريطانية وشركات "ميتا" و"تيك توك"و"تويتر"، كتستهدف المحتوى لي مرتابط بتهريب البشر لي كيحرݣو غير بالفلوكة، هاد الحراݣة ديرين بلايص فابور لدراري صغار، وكينقصو لفلوس على هجرة المجموعات.
ورئيس الوزراء البريطاني ريشي سوناك قال إن هاد لالتزام جديد مع شركات التكنولوجيا غادي يخلينا نضاعفو الجهود ديالنا باش نحاربو هاد رباعت شلاهبيا لي كيعرضو حياة ناس للخطر.