العلمي: لم أتلق ردا من المحكمة الدستورية بخصوص انسحاب الUMT من التصويت على قانون الإضراب    الصين تعتمد مخططا للتحول الرقمي للصناعة الخفيفة    ارتفاع الدرهم مقابل الدولار    الصين تدعو لتعاون عالمي رابح – رابح في مجال العلوم والتكنولوجيا    توقعات أحوال الطقس اليوم السبت بالمغرب    معنينو يكشف "وثيقة سرية" عن مخاوف الاستعمار من "وطنيّة محمد الخامس"    عدم صرف الدعم الاجتماعي للأسر يثير تساؤلات مع حلول عيد الفطر    المعارضة بجماعة الجديدة تطالب بإدراج نقاط تتعلق بوضعية النظافة والصحة والثقافة في دورة ماي 2025    إحباط محاولة تهريب أكثر من 2000 قطعة من المواد المتفجرة إلى المغرب عبر ميناء طريفة    الوداد يتأهل إلى ثمن كأس العرش    الساسي يُقيم مشروع المسطرة الجنائية    لائحة الشركات التي تقدمت للإستفادة من الدعم المخصص لأضاحي العيد العام الماضي    نقابات تطالب بحماية الموظفين خلال عملية توزيع الأعلاف.. وإشادة بمجهودات المديرة الإقليمية لوزارة الفلاحة بطنجة    الرميد يرد على لشكر: مهاجمة حماس وتجاهل إسرائيل سقوط أخلاقي وتصهين مرفوض    المندوبية الإقليمية للشؤون الإسلامية بطنجة تُعلن عن أماكن إقامة صلاة عيد الفطر لعام 1446    وفاة شاب في أصيلة في ظروف مؤلمة.. والمعطيات الأولية تشير إلى اضطرابات نفسية    المغرب التطواني يعبر لدور ثمن نهائي كأس العرش    أوراق من برلين.. أوقات العزلة المعاصرة: اكتشاف الشعور الكوني    ترجمة "نساء الفراولة" إلى العربية    الأمن يوقف شابا بتطوان    حلويات "الفرّانْ" تتراجع بشفشاون    الطالبي العلمي: معطيات الوزير بركة عن استيراد الأغنام "غير صحيحة"    الأمم المتحدة: مقتل 830 فلسطينيا في غزة خلال 8 أيام بينهم 496 امرأة وطفلا    عبد الرحيم.. نموذج مشرف للأمانة يعيد عشرة ملايين سنتيم إلى صاحبها في سوق إنزكان .    العامل المنصوري يبشر بمشروع "مدينة الترفيه والتنشيط" لتطوير إقليم تطوان وخلق فرص للشغل    محكمة الاستئناف ببرشلونة تبرئ اللاعب ألفيس من تهمة الاعتداء الجنسي    مدينة طنجة ضمن أفضل 10 وجهات سياحية عالمية لعام 2025 وفق مجلة ألمانية مرموقة    تحويلات مغاربة الخارج تتجاوز 17.8 مليار درهم وتراجع طفيف في الاستثمارات بالخارج مقابل ارتفاع قوي في تدفقات الاستثمارات الأجنبية بالمغرب    تألق ليلة القدر في رمضانيات طنجة الكبرى: روحانية، تراث وتكريم لذوي الهمم    رحلة رمضانية في أعماق النفس البشرية    المشاورات غير الرسمية لمجلس السلم والأمن الإفريقي: البلدان التي تمر بانتقال سياسي تشيد بريادة المغرب وحنكته الدبلوماسية    استطلاع رأي يكشف مخاوف الفرنسيين: الجزائر تشكل تهديدًا جديًا لأمن فرنسا    رفع الإيقاف عن مهدي بنعطية    الديوان الملكي يعلن عن ثلاث تعيينات جديدة    عمرو خالد: هذه تفاصيل يوم وفاة النبي صلى الله عليه وسلم.. مشاهد مؤثرة ووصايا خالدة    144 قتيلا جراء الزلزال في ميانمار    شهر رمضان.. وكالة بيت مال القدس الشريف تقدم حصيلة حملة المساعدة الإنسانية في القدس    بخصوص ما قاله الكاتب الأول عن فلسطين الآن!    مستقبل الدولي المغربي سفيان أمرابط بات على المحك … !    عون يبرئ حزب الله من إطلاق النار    دنيا بوطازوت تنسحب من تقديم "لالة العروسة" بعد أربع سنوات من النجاح    تفاصيل تزويد المغرب ب 18 قطارًا    بورقية وبوعياش وبلكوش .. الديوان الملكي يعلن عن تعيينات جديدة    السعيدية.. تسليط الضوء على الندوة الدولية حول تطوير الريكبي الإفريقي    إسبانيا تعلن عن ملف مشترك مع المغرب والبرتغال لتنظيم بطولة عالمية جديدة    العجز التجاري للمغرب يقفز إلى 50.7 مليار درهم عند متم فبراير    رامز جلال في رمضان والكاميرا الخفية المغربية .. مقلب في الضيوف أم في المشاهد؟    وزارة الداخلية.. إغلاق 531 محلا ومصادرة 239 طنا من المنتجات غير القانونية    العرض ماقبل الأول لفيلم «مايفراند» للمخرج رؤوف الصباحي بسينما ميغاراما    مباريات كرة القدم للتأهل إلى المونديال إصابة أكرد تدمي قلب مشجع ستيني    عودة أسطورة الطرب المغربي عبد الوهاب الدكالي في عرض يعد بالكثير    باحثون يكتشفون رابطا بين السكري واضطرابات المزاج ومرض ألزهايمر    كرة القدم لعبة لكنها ليست بلا عواقب..    سكان المغرب وموريتانيا أول من سيشاهد الكسوف الجزئي للشمس السبت    "الرزيزة" .. خيوط عجين ذهبية تزين موائد ساكنة القصر الكبير    رسالة إلى تونس الخضراء... ما أضعف ذاكرتك عزيزتي    الجمعية المغربية لحقوق الإنسان تودع شكاية لفائدة طفلة أُصيبت بالسيدا عقب عملية جراحية    السعودية تحين الشروط الصحية لموسم الحج 2025    









علاش تعاودات تبنات من جديد مدرسة اولاد شبانة وعلاش تبنّاها الدوار. تجربة مثيرة كانت غتفشل كثر من مرة بغباء المسؤولين والانتخابات والاستهتار والقايد والمدير الاقليمي – تصاور
نشر في كود يوم 25 - 06 - 2022

البارح جا شكيب بنموسى وزير التربية الوطنية والتعليم الاولي والرياضة باش يدشن مدرسة اولاد شبانة بدوار لحنافات فقيادة راس العين باقليم سطات. كان معاه ناس التعليم وكانت السلطات فمقدمتها عامل الاقليم ابراهيم ابو زيد وكانو ناس الدوار. اللي كان غايب هو امهات تلاميذ وتلميذات هاد المدرسة. اللي خشى نيفو وحضر وما خاصوش يكون هو رئيس جمعية اباء واولياء التلاميذ. باش كانت المدرسة مرفصة بزاف ما كانش هاد السيد. باش كاينة الكاميرا بان. خاص الدوار يجري عليه هو اصلا ما بقاش ساكن تماك. هاد النوع من الانتهازية كتقتل كاع القطاعات.
ندوزو للمهم. كيفاش جات اصلا فكرة تريب مدرسة كانت مبنية ف"برفابريكي" وحالتها خايبة وطبعات فبلاصتها مدرسة كتحتارم ادمية التلميذات والتلاميذ ومعاهم الاساتذة. الفكرة جات من عبد الصمد بلمدني قائد قيادة راس العين اللي كان ومشى لسيدي قاسم. الطلب ديالو كان هو نقلبو على شي محسن يدير اصلاحات للمدرسة هاد الشي فبداية 2021. بالفعل بعد ايام جا رجل الاعمال عبد الهادي زهير الرئيس المدير العام لSAMA INVEST مع صديقو رجل الاعمال عبد الواحد شوقي باطرون "بيبانكم". زهير بحكم انتماؤو لاولاد سعيد بنفس الاقليم سبق دار مشاريع بحال هادي.
دخلو للقسم وكان حاضر القايد. الحالة خايبة بزاف. السقف مقلع. ايلى جات الشتا تگطر ولا جات الشمش تحرق. فالحقيقة كانت بحال شي زريبة ماشي مؤسسة تعليمية. هاد المنظر الصادم صدم زهير عبد الهادي كيف ما صدم قبلو اللي القايد. صدمة غادية تكون محفز كبير باش هاد المشروع اللي كان غادي يوقف٬ كمل حتى النهاية... الا المشرفين على القطاع. المعلمات والمعلمين هادوك عايشين المعاناة كل نهار. كانو مع مدير المدرسة اكثر المتحمسين.
هنا جات الفكرة من رجل الاعمال باش راه ما كاين ما يتجمع فهاد المدرسة. خاصها تريب وتبنى من جديد. ترازا. الشرط اللي كان فالبداية هو ما تكون حتى شي علاقة بالمقاول الا بوزارة الداخلية. طبعا الشرط ماشي المقاول اللي حطو بل ولاد الدوار اللي كيعرفو المقاول ودار بوجههم وقبل يدير هاد العمل الانساني لكبير. غير هي الامور ما مشاتش كيف تخطط ليه فاللول ووقع اللي كان متوقع.
بدات معركة كبيرة باش دير عمل مواطن فدوارك. كان خاص دوز على المديرية الاقليمية لوزارة التربية الوطنية بسطات. فيها المدير اسمو عبد العالي السعيدي. ديك الساعة كان الوزير هو سعيد امزازي. تم الاتصال بيه وشرح فكرة المدرسة وكان متحمس وقال لينا نسقو مع "الشاب" اللي عزيز عليه.
الشركة بقات كتسنى باش تبدا وكانت جاهزة باش فالعطلة المدرسية ل/2020 /2021 توجد ويدخلو الدراري يقراو فيها. غير هي سنة انتخابية حسابات اللي باغي يشوف مدرسة زوينة عوض هاديك الكارثة ماشي هي حسابات لا الداخلية ولا التعليم. هاد الشي غادي نعرفوه من بعد.
المهم كان تحديد لاول لقاء مع السعيدي المدير الاقليمي للتربية الوطنية فسطات. ناس الدوار وممثل عن الشركة تنقلو من كازا لسطات باش يشوفوه. باش وصلو للموعد كيف حددو هو قبل وكان يوم الجمعة٬ جاوب بعد محاولات فالتلفون باللي راه مشعول فشي نشاط خارج سطات وغادي يتعطل شي ساعة. شوية هاديك الساعة تزادت. بكل غباء وباقحام اغبى للدين٬ قال "وسير صلي فالجامع حتى نتلاقاو". فهاديك اللحظة كتشك واش هادا من شي جماعة اصولية ولا مسؤول. واحد عندو لقاء معاه. اش دخلك لشي صلاة او غيرها. طبعا الجواب قال ليه دخل سواق راسك واش داك دخل الصلا او الدين.
فاللخر ما كانش الاجتماع. ممثل الشركة السي عزيز باخلاق ناس سوس وادبهم ومعرفتو لعقليات متخلفة فالادارة المغربية٬ امتص الغضب وقال باللي نرجعو مرة اخرى. فالحقيقة رجع غير هو وتبع داك الشي.
الفكرة فاللول يديرها شخص ويتوقع اتفاقية مع المديرية الاقليمية. السيد المدير مول الصلا ما قالش باللي راه ماشي ممكن. حتى دازت شي شهر وبعد اتصال معاه عاد قال "اه راه خاص الاتفاقية ديرها الشركة مع المندوبية". يمكن يكون هاد المسؤول مشغول. لكن الطريقة باش تعامل فهاد المشروع كانت خايبة بزاف. لا تواصل لا اعطاء اللي خاصو يدار فالوقت. هاد الشي ضيع وقت طويل.
فاللخر تقرر٬ حقاش فبلادنا ايلى بغيتي دير مدرسة فبلاصة مدرسة رايبة مكرفصة= شوفو التصاور والفيديو= خاصك الا تقلب على ارض وتبنيها بوحدك ومن بعد تعطيها للدولة. هادي هي الاسهل واما تدخل عند الادارة يصطيوك.
دزنا هاد المرحلة وجات مرحلة بداية الانجاز. الشركة بطوبوگرافها ومهندسها واطرها خدمات ووجدات تصميم كيف قالت المديرية. شي وحدين فهاديك المديرية اللي ما فراسهمش فهاديك اللحظة حتى كيف دايرة هاد المدرسة٬ بداو يفهمو. اه راه حسب المعايير خاص تنقص 5 سنتمتر. ديرو هادي... هاد كلمة المعايير كيتعصبني بزاف. عند هاد المديرية٬ مزيان يكون البرد ويجي للدراري والدريات والمعلمات والمعلمين شي بنوموني ويمرضو فالبرد وفالصيف٬ ولكن تجيب مشروع جديد بالزربة كيدخلو فتفاصيل غير باش يعرقلوك وصافي. تصورو هاد الشي راه العامل فراسو وعجبو المشروع ودعمو وفراس كذلك الوزير امزازي ديك الساعة اللي عجبو ولكن تخربقات مع ناس المديرية الاقليمية.
واحد الوقت هزيت يدي. ما بقينا باغيين مدرسة. نقلبو على ارض ودار فيها مدرسة بقوامها وباحترام آدمية اولاد الدوار وتعطي للوزارة على تبقى تتعامل مع ادارة هبيلة. لكن عزيز ممثل "سما انفيست" وباشراف دائم لرجل الاعمال زهير عبد الهادي ما بغاوش ينزلو اليدين. بقاو يديرو اللي بغاو. بالنسبة لي مشهد عبثي. هادوك ما بغاوش مدرسة وصافي.
اه نسيت نقطة اخرى٬ واحد الفترة فاللول كان حتى شك من المندوبية واش هاد الشركة بصاح غادية تبني المدرسة. وصلات حتى ولينا نقولو للمديرية الجهوية ممكن تحط فلوس ضمانة غير باش يرتاحو. ووالو.
دازت ليام وجا الاتصال من بعد من بعبد المومن طالب٬ مدير الأكاديمية الجهوية للتربية والتكوين لجهة الدار البيضاء سطات‏. تلاقاتو الشركة. بدات الامور كتحرك ولكن حتى دوز الانتخابات.
دابا هادوك التعليم عتاقدو ان اللي جاب لدوارهم مشروع باغي يترشح للانتخابات. شوفو التصطية. يسولو غير وزيرهم يعرفو. يسولو غير الداخلية يعرفو. اصلا ما كيكونش تماك الا مرة مرة واحيانا كثر من شهر ما كيبنانش فارض جدودو.
هاد التصطية ديال امكانية استغلال بناء مدرسة فالانتخابات عطل عاود ثاني المشروع. جمدو. ما تحرك حتى بعد 7 شتنبر 2021. واخا الاتفاقية توقعات بين الشركة وبين المديرية الجهوية من جهة والاكاديمية الجهوية من جهة اخرى.
سالات الانتخابات ورجع شوية الروح للمشروع. كان مشكلة اخرى وهي ان التلاميذ والتلميذات خاصهم يبقاو يقراو ويبدا الترياب. يعني من اصل 5 اقسام كان خاص جوجت اقسام يبقاو يتناوبو عليهم المستويات. الحل الساهل هو توزيع هادوك التلاميذ علي مدارس قريبة وكانت شركة للنقل المدرسي بغات دير هاد الشي فابور. هنا تشوفو عبقرية مسؤولي التعليم فسطات.
بدا الترياب وبدات الخدمة واخا ناس التعليم فسطات قالو كلمة ما مفهوماش. "ما مزروبينش. خودو وقتكم". الشركة باغية تعطي المشروع بسرعة باش يقراو الدراري والسي المدير ما مزروبش. العبث.
بصبر الشركة بدات العملية. هي عملية مكلفة. كيفاش تريب 3 الاقسام وجزء من الساعة وتخلي جوجت الاقسام؟ ماديا وتقنيا وحتى نفسيا مكلفة. ومع ذلك دارت.
هاد الشي بلا ما نهدرو على شي تصرفات مجانية. الفكرة ديال المدرسة كانت هي دوار صايبها ماشي شخص. دوار يعني هو اللي بناها ويتبناها باش يحافظ عليها لوليداتو يقراو فيها. كل واحد من الدوار يعتابرها ديالو ويحميها. راه قبل كلشي كان يتشفر. ما كانش عندها حتى سور. لكتوبا ديال الدراري اللي من المفروض يكونو فالاقسام تلقاهم كيطيرو بالدوار. لكن صفحة المديرية الاقليمية دارت فيديو كذوب. فيه باللي هي دارت شراكة مع شركة لبناء هاد المدرسة. راه مازال عندها فالصفحة ديالها. واش هادو عندهم شي عقل.
دابا هادوك اللي قالو تم ترميم مدرسة ما عارفينش علاش كيهدرو. راه كانت بلاصة حمرية حاطين فيها اقسام مصايبة من "بريفابريكي" فيها الزنك فالسقف وفيها لغمال وفيها الويل. ترازات بالتدريج. بدات الخدمة. تصيبات طابلة كبيرة بالبيطون ارمي هي اللي غادية تولي ساحة المدرسة. تبناو الاقسام. تصيبات طواليت كتحتارم كل واحد فهاديك المدرسة. تصيبات مكتبة عاد الاقسام 5 فيها قسم للتعليم الاولي وزايد على هاد الشي مكتبة. هاد الشي طلع وهو رقم تقريبي باكثر من مليون و500 الف درهم. هاد الشي بلا ما يتحسب لخشب ولاليمينيوم. باش جات الحكومة كان الوزير شكيب بنموسى اللي من بعد غادي يعرف بالمشروع. عجبو وعجباتو فكرة تكون شراكات بين المجتمع المدني والمدرسة فمحيطها الطبيعي =دوار حي= وبالتعامل مع مصالح الوزارة باش طور العملية التعليمية. حقاش يستحيل ينجح التعليم والتربية والتكوين بيد وحدة. يد الدولة ممثلة فالوزارة. خاص اشراك جمعيات اباء واولياء التلاميذ وناس الدوار. فكرة زوينة غير هي فمدرسة اولاد شبانة خاصها تعاود من اللول.
هاداك رئيس جمعية الاباء اللي مشى يهدر فدوزيم خاصو يحشم على عراضو. شكون هو واش دار. علاش مازال اصلا رئيس شي حاجة ما كيديرهاش. كيفاش جاي من مكناس وهدر مع دوزيم وحضر لاجتماع مع لوزير ويرجع ينعس مرتاح الضمير وهو ما حاضرش ما كاينش. ما عايش تماك. المجتمع المدني خاصو يبدا ينقي باب دارو اولا. راه شوهة.
فيلم المدرسة ما سالاش هنا. كانت جمعية اصدقاء "گوتنبورگ" اللي كيرأسها خليل الهاشمي الادريسي قررات انها توهب مكتبة للمدرسة. القرار جا بعد طلب تقدم ليهم. كتوبا مناسبة للدراري وممكن تكون مكتبة الدوار. هادا هو الانفتاح على المحيط. دابا العملية غادية مزيان. كاين فضاء مزيان. خدمة زوينة دارتها هاد الجمعية ودارها الهاشمي وبرادة محمد وحسن حبيبي
"اتصالات المغرب" وفالحقيقة عبد السلام احيزون الرئيس المدير العام باش سمع الخبر ديال المدرسة وحاجة الدراري لكمبيوتروانترنت بسرعة قياسية كانت قاعة المكتبة مجهزة ب3 الحواسيب والمدرسة ب20 جيگا. فالتدشين كان هاد الشي حاضر.
كاينين فنانين وعدو باش يعاودو الواجهة يبدعو فيها بشراكة مع الدوار مع وليدات المدرسة.
البارح بنموسى قال باللي ما يمكنش للمدرسة تنجح بلا ما تخدم بشراكة مع محيطها مع المجتمع المدني. دوار لحنافات هو اللي كان فكاع مراحل البناء حاضر. حتي باش تلاحت الضالة هما اللي جابو الكسكسو وفرحو بالبناية بالشركة. البارح باش بغاو يدخلو جا شي حد ما عرفناهش منين وما ساكنش اصلا تماك وبغى يمنعهم. شوفو التلفة. ردو عليه "حنا فدوارنا. فمدرستنا باللي بنيناها. انت شكون" هاد الفكرة ديال تتبنى المدرسة مهمة بزاف. خاصها تقوى اكثر. خاص اشراك امهات التلاميذ والتلميذات اكثر باش تبقى المدرسة زوينة لوليداتهم ولحفايدهم.


انقر هنا لقراءة الخبر من مصدره.