وزير محيح باش مايعرضوش الفيلم ديال ''باربي'' فلبنان

وزير ثقافة لبناني محمد المرتضى منع العرض ديال فيلم "باربي" فلبنان، وقال إن الفيلم كيروج للشذوذ والتحول الجنسي، وكيتعارض مع القيم الأخلاقية والإيمانية ديال البلاد، والعرض ديال هاد الفيلم غتكون عندو نتائج سلبية على الوليدات الصغار.
فبيان للوزير "المرتضى"، قال فيه إن المحتوى ديال هاد الفيلم لي دخل زبابل ديال الفلوس فبزاف ديال الدول، كيخالف الآداب والقيم، خصوصا قيمة الأسرة، وكيخالف حتا المبادئ الوجدانية والأخلاقية والإيمانية لي كتعتابر الحصن الحصين للمجتمع اللبناني.
الوزير قال لجهاز الأمن العام لبناني، تابع لوزارة الداخلية والمسؤول على قرارات الرقابة فالبلاد، باش ياخدو الإجراءات اللازمة ويمنعو العرض ديال الفيلم، وعتابر أن العرْض ديالو فلبنان غتكون عندو نتائج خيبة بزاف على لوليدات.