غادي يطلع لثمن قياسي.. الجفاف فتايلاند خلا الروز داير الكَرون

الروز غادي يطلع الثمن ديالو وهادشي بسباب الجو لي ولا جاف وللي كيهدد الإنتاج فتايلاند، ولبيانات ديال رابطة مُصدِّري الأرز التايلاندي كتبين أن الروز وللا كيتباع غالي بزاف ب648 دولار للطن.
ودولة كتشجع الفلاحة دياولها باش يحاولو يزرعو شي حاجة كتحتاج لما قليل، وبدات كتستاعد لظروف مناخية أكثر جفاف ملي بدات ظاهرة النينيو، حيت شتا مبقاتش كتصب بزاف فتايلاند لي كتعتابر أكبر مصدر لروز، دكشي علاش حبسو زراعة ديال الروز باش يخليو لناس لما.
وهاد لغلا غادي يزيد ضغوط فلأسواق ديال الغذاء لعالمية لي تأثرات بالجو القاسي ولانخفاض ديال إمدادات الحبوب من منطقة البحر الأسود بسباب الحرب روسية فأوكرانيا.