نجوم هوليوود تبرعو بزبابل ديال الفلوس للممثلين لي دايرين الإضراب

صندوق التضامن النقابي قال إن أشهر نجوم هوليوود لي خانزين فلوس تبرعو بكثر من مليون دولار لكل واحد من الممثلين الميريكانيين لي ديرين إضراب فهوليوود، باش يتعاونو معاهم.
نايضة فميريكان حيت كتّاب السيناريو فلول ديال شهر ماي دارو إضراب، والممثلين حتا هما دارو نفس الحاجة فالنص ديال يوليوز باش يطالبو بزيادة فالصالير وياخدو ضمانات باش الذكاء الاصطناعي ميخرجش ليهم على خدمتهم.
والمؤسسة اللي مسؤولة علا هاد الصندوق قالت أنها جمعات كثر من 15 مليون دولار فهاد 3 السيمانات لي فاتو من تبرعات على قبل الممثلين لي ديرين إضراب باش ميخسروش ديورهم ويقدرو يصرفو على العائلات ديالهم.