تقهرات بطوارو الزبل عامرين بالشراوط.. فرنسا دارت خطة جديدة للمواطنين ديالها

الحكومة الفرانساوية دارت خطة جديدة حيت تقهرات بالزبل, خصوصا أن كل عام كيتلاح 700 ألف طن ديال الحوايج فالطوارو.
فرانسا غتعطي الفلوس باش الناس تولي تصاوب حوايجها وميبقاوش يلوحوهم، حسب ما نشرات صحيفة The Guardian البريطانية.
وزيرة التحول البيئي، بيرانجير كويلارد، ملي دارت زيارة لمركز الموضة المستدامة فباريس قالت أن الحكومة دارت صندوق بقيمة 172 مليون دولار باش تخلص مكافآت الإصلاح هاد الخمسنين لي جايا، والهدف التاني من هادشي هو دعم الناس لي كيديرو خدمات الإصلاح.
"غوفاشون البيئية" دارت خطة زوينة وقالت لكاع الخياطا والناس لي كيصوبو الصبابط باش يتعاونو معاها فهاد الخطة، وكتشجع الناس باش يعاودو يصوبو حوايجهم ويوليو يتبرعو بداكشي لي زايد عندهم، وقالت أن 56% من هاد الحوايج ديال التبرعات نقدرو نعاودو نستعملوها.