غادي تبدا من بريطانيا.. زارا حلات سيت تبيع فيه لحوايج لقدام

علنات شركة زارا الإسبانية في فرع بريطانيا أنها غادي تطلق خدمة جديدة لبيع لحوايج لقديمة ولا التبرع بيها، أو حتى الناس لي باغين يصلحو حوايجهم لي وقع فيها شي مشكل.
الشركة قالت إن هاد الخدمة الجديدة، غادي تكون في إطار مبادرة ديال محاربة هدر لحوايج، وفي نفس الوقت غادي تقدر تساعد ناس آخرين كيلقاو صعوبة باش يلبسو ملابس من براندات عالمية.
الخدمة غادي تبدا في أول نوفمبر، وغادي تكون متاحة في تطبيق خاص، وكتقول الشركة أنها غادي تجرب في بريطانيا على أساس أنها تعممها في دول أخرى.
زارا عندها 60 بوتيكا في بريطانيا، والبريطانيين أكثر واحدين كيلبسو من الماركا، داكشي علاش قررات باش تكون هي نقطة الانطلاقة ديال المبادرة.
في المقابل، غادي يكون لفئة أخرى ديال الناس الفرصة باش يشريو حوايج ديال زارا مستعملين ولكن في وضعية مزيانة.