استغلال الفرص.. أمال صقر دارت خطة جديدة في صفحاتها الخاصة

الممثلة والمنشطة أمال صقر قررات ترجع صفحتها الانستكَرامية خاصة ومبقاتش مفتوحة للعموم.
هاد القرار خداتو البارح من بعد البوسطات لي دوات فيهم على المشاكل الجنسية بين الأزواج ولي بزاف قالو ربما أنها كتمعني على نبيلة والرابور مسلم.
التبركَيكَة لي جابت “كود” أن أمال بغات تستغل الجدل والاهتمام بقصتها مع مسلم باش توصل مليون متابع في انستكَرام، داكشي علاش سداتو باش لي بغا يعرف شنو كتكتب والصور لي كتحط ماعليه إلا يتابعها ويدير follow.
وعدد المتابعين ديال صقر حاليا 714 ألف متابع، والرقم غادي وكيطلع.