كتوجد للذكاء الاصطناعي.. نتفليكس دارت بوسط جديد بصالير طالع

نتفليكس دارت إعلان لخدمة ديال مدير منتجات التعلم الآلي، وغتعطيه صالير واعر من 300 حتال 900 ألف دولار فلعام، فلوقيتة لي الممثلين والكُتاب فهوليوود محيحين بالإضراب وكيطالبو بتعويضات عادلة وحماية من الذكاء الاصطناعي لي غدي يضيع ليهم خداميهم.
نتفليكس وضحات فلإعلان، أن هاد لمنصب عندو دور جديد باش يزيد فاعلية منصة التعلم الآلي الخاصة بنيتفليكس، واللي وصفاتها بلي هي الأساس لهاد الابتكار، وهاد لخدمة جديدة دارتها نتفليكس باش دخل الذكاء الاصطناعي فݣاع لخدامي.
قسم "التعلم الآلي" المنفصل على لموقع ديال الشركة الإلكتروني، قال أن نتفليكس غاديا تستعمل الذكاء الاصطناعي باش تقاد كتالوج الأفلام والبرامج التلفزيونية، وتحسن لإنتاج ديالهم.