القرش وللا محيح.. خرج لسائح جديد في أستراليا وتسبب ليه في جروح – فيديو

صحيفة The Daily Mail البريطانية قالت بللي سلطات أستراليا الغربية سدات بزاف ديال لبحورة بعدما شاب كان كيدير سورف وكيستمتع بوقتو، خرجات ليه سمكة القرش وعضاتو فرجليه.
الفيديو كيبين الحالة ديال شاب من بعد الهجوم ديال هاد سمكة لقرش لي وقع فشاطئ غنارابوب حدا منطقة بوت رامب لركوب الأمواج اللي كاينا فمنطقة مارغريت ريفر، قبل تسعود ديال صباح.
الضحية بقا كيحاول يعوم حتا وصل حدا الشاطئ، عندو زهر كان تما فرملي دار ليه الإسعافات الأولية باش يعالج ليه الجرح العميق اللي فساق ديالو، ومن بعد داوه لسبيطار مارغريت ريفر والحالة ديالو دابا مستقرة.