حالة غريبة عجيبة.. أطباء لقاو أخطبوط واحل فحلق راجل

فسنغافورة طبا تصدمو ملي شافو أخطبوط واحل فحللق ديال راجل فاش دارو ليه فحص للجهاز الهضمي ديالو باش يعرفو سبب القيء لي عندو.
الراجل السنغافوري ملي مقدرش يصرط مشا بزربة لسبيطار، وطبا دارو جهدهم كامل باش يعتقو الراجل، ودارو ليه فحص بالأشعة المقطعية، واللي بين ليهم واحد لكتلة كبيرة فلحلق ديالو.
ولكن مقدروش يتأكدو حتا دخلو أنبوب صغير فيه كاميرا، وتصدمو ديال بصح ملي لقاو عندو أخطبوط كامل واحل ليه فحلقو.