السباعي ل " أخبارنا " : لقيت مشاكل كثير مع فنانين " مبتدئين " باغين الشهرة والفلوس بسرعة و بأي طريقة

لا يخلو المشهد الفني الموسيقي من كثير من الجدل المرتبط بالظهور المفاجئ لعدد من الأصوات التي طبعت مسارها في الساحة الفنية إما بجودة الصوت و الحضور المتميز، أو عبر البحث عن " البوز " بأي طريقة بهدف تحقيق الشهرة و المال و إن كان على حساب الجودة و الكلمات و الألحان، كواليس كثيرة قد لا يتعرف عليها المتتبع للشأن الموسيقي، حاولنا نقلها إلى السيد مفيد السباعي، واحد من مدراء الاعمال الذي ارتبط اسمه بنجاح عدد من الفنانين الكبار بالمغرب.
س : كثيرا ما نلاحظ تراجع بعض الأسماء الفنية التي تختفي بسرعة عن الساحة فما هو السبب في ذلك ؟
ج : عندنا مواهب عندنا كولشي و لكن كيبقى المشكل فالعقليات ديال بعض الفنانين المبتدئين. كلشي باغي يدير لفلوس بزربة . فالأول كيطلب غير باش يبان و يكون عندو اسم فالساحة الفنية الى جانب فنانين لي سابقينو بزاااف و ملي كتخدم عليها و تسخسخ عليها كيولي تايق فراسو بزااااف كيولي يطلب أكثر (الطمع) و حتى التعامل ديالو كيتبدل كيولي باغي يدير لفلوس بزربة بأي طريقة و يحرق #les_Etapes.....كينسى بأنه يالاه بدا ، و بدا بوالو و كينسى بانه بان عن طريق ناس لي تاقو فيه و لي طرقو الباب ديالو باش يعاونهم، و قبل أنه يعاونهم بدون أي شروط او اي حاجة.
س : هناك " عقد " بينك وبين الطرف الثاني ألا يتم احترام ذلك في المغرب ؟
ج : إلى قبل او عطاك أهمية و يعاون را ماشي ضعف او مكلخ او باغي شي حاجة او ... أو … كون ماكانش السيد أي " المنادجير " كيبغي الموسيقى كون فاش طرا أول مشكل كون حبس شحال هادي و لكن السيد دائما متفائل وشبعان الحمد لله… خاصهم يعرفو بانه المنادجر فالمغرب را ماشي بحال ديال برا… خاصهم يبحثو باش يعرفو شنو الخدمة الحقيقية ديالو بعدا و يدير مقارنة (ما له و ما عليه...) هادشي الى جينا نطبقو العقود ديال برا و الله ما تلقى شي فنان مغربي كيقلب على منادجر.
س : ما هي بعض المشاكل التي قد تواجهها في طريق تعاملك مع مثل هذا الصنف من الفنانين الصاعدين ؟
بعض المبتدئين كيتسناك دير ليه كلشي...نسى بأنه ما عندو واااالو. عندو غير بعض الأغاني أو أغنية و نص....و مع ذلك كتقاتل معاه و تقادو و ترسم ليه الطريق الصحيح باش يبان فالساحة....و فالأخير يقول ليك خاصني ندير لفلوس و نطلع المهرجانات الكبرى...و كيولي يقارن راسو بفنانين كبار لي دوزوووووو و حفروا و تمحنو سنيييين باش وصلو.
مفيد تعاملت مع فنانين كبار في المغرب ، هل واجهت نفس المشاكل التي واجهتها مع بعض المبتدئين ؟
بطبيعة الحال أستثني من كل ما ذكرت و في كل ما سبق مجموعة الفنانين المتواضعين و المحترفين الذين أقوم بإدارة أعمالهم و على رأسهم الأستاذة و الفنانة القديرة سلطانة الطرب ليلى غفران ، الأستاذ و الفنان الكبير فارس الراي حميد بوشناق . الفنان الجميل و الخلوق نجم الأغنية العصرية سفيان نحاس. فنان الغربة و الراي الصاعد كاديل و أخيرا فنان الشعبي العصري و الراي رفيع .