يوفنتوس حاطين عينهم على الزلزولي وسولو عليه البارصا

صبح يوفنتوس الإيطالي من الفرق المرشحة باش يلعب فيها المتألق عبد الصمد الزلزولي نجم برشلونة الإسباني، والفريق الإيطالي حاط العين دابا على كابيتان المنتخب المغربي الأولمبي، فحالة ما بغاش يكمل مع البارصا.
وحسب موقع "توتو ميركاتو" الإيطالي، فيوفنتوس بداو كيتحركو على قبل عبد الصمد الزلزولي، وكيسولو على الوضع ديالو فالبارصا، ولو أنهم مازال ما تقدموش بعرض رسمي.
الموقع الإيطالي، أكد أيضا أن مدرب يوفنتوس ماسيميليانو أليكري معجب بإمكانيات عبد الصمد الزلزولي، وكيشوف فيه خيار مزيان لهجوم الفريق، ولكن كيبقى القرار عند الزلزولي والبارصا.
وكيبحث عبد الصمد الزلزولي باش يلعب وقت أكثر فالبارصا، حيث السبب اللي خلاه يخرج الموسم الماضي من الفريق ويمشي بريطي لاوساسونا، وهو عدم الاعتماد عليه من طرف المدرب تشافي هيرنانديز.
وأكد الموقع الإيطالي، أن عبد الصمد الزلزولي ما غيرضاش يبرك فالاحتياط د البارصا بعدما تألق خلال الموسم اللي سالا مع أوساسونا والمنتخب المغربي سوا فالمونديال أو مع الأولمبي اللي ربح معه كأس إفريقيا U23، وأي فريق باغيه خاصو يحط للبارصا 15 مليون أورو.