حكيم زياش مطلعها على النصر السعودي وكينفي تكون عندو مشاكل فالركبة

جاوب الدولي المغربي حكيم زياش على كل ما راج عليه خلال الأيام الماضية، بخصوص الفشل ديال صفقة انتقالو من تشيلسي إلى النصر السعودي، واللي تقال بأنها عندها علاقة بمشاكل فالركبة ديالو.
واختار النجم المغربي حكيم زياش يرد على الأخبار اللي كتروج بعدما فشلت صفقة انتقالو إلى النصر السعودي، وحط سطوري غير دابا على انستغرام فيه صورة للركبة ديالو وهو كيتدرب فشي تيران، وكتب عليها بطريقة ساخرة: "مشكل فالركبة بصح"، وبدا كيضخك.
وكيجي هذا الرد بمثابة تكذيب من حكيم زياش على كل الأخبار اللي راجت مؤخرا، بعدما فشلت صفقة انتقال النجم المغربي من تشيلسي الانجليزي إلى النصر السعودي، حيث بزاف من وسائل الإعلام المقربة من الفريق السعودية قالت ان زياش فشل فتيست مديكال اللي داروه له النصر السعودي باش يسنيو معه، وهذا هو السبب علاش ما سناوش معه.