الحكومة المغربية كما يراها شباب الفايسبوك

كان يا مكان في قديم الزمان ،،،
شعب عزيز عليه السهرات والنشاط ديما زاهي ديما سكران
،،، نتاخب على وزير اول اسموا بن كيران
،،، ماصبروش عليه بزاف وناضو يغوتو شي مقلق شي زعفان
،،، فين هي الاصلاحات اسي بن كيران
،،، واش اعباد الله ف 100 يوم بغيتو يرجع ليكم المغرب بحال اليابان ،،،
ويحيد البطالة وتاواحد مايبقا شاد الحيطان
ويسد الحانات ويسد البيران
،،، صبر أصاحبي مالك زربان
،،، راه درجة بدرجة نزيدو القدَّام
...،،، بركو الارض وسكتو وخليو السيد مسكين راه مزال جديد وخدام ،،، سبحان من لا يسهو ولا ينام
،،، هو زاد فالمحروقات حيت مابغاش يتسلف من دول اخرى ويوقع ليه بحال اليونان
،،، ولكن كحل راس هو مافهم والو وداير راسو واعر وفالسياسة فهمان
،،، من زادو درهم فالبترول جاتو بزاف وبدا فالمعيور والسبان
،،، ومن زادو فالمعاش 1000 درهم جاتهم قليلة باش تعرف بنادم متناقض وجيعان
،،، كايعجبكم الوزير لي كايهضر الفرنسية واللغة العربية ويكون انيق وبالعياقة شبعآان ،،،
المصدر-شباب الفايسبوك
مروان عابيد/مراسل وكاتب صحفي
merouane.aabid@gmail.com