شعبان عبد الرحيم يغني لاوباما

وتقول الأغنية التي سميت "بوش ابن المجنونة" "يا سكة الندامة يا دنية الوحوش.. إياك باراك أوباما مايكنش زي بوش.. ما هو بوش ابن المجنونة شعللها في كل مكان.. أفغان وعراق وغزة وآخرها سوريا كمان".
وتضيف الأغنية "راح بوش أوجه أوباما إيه يعني هيحصل إيه.. لسه فلسطين محتلة والحرب في العراق. والناس عايشة فى مذلة وعداء بيجيب عداء. سلامتك ألف سلامة يا عم عربى عليك. قاعد مستني أوباما علشان ياخد بأيديك.. ولا بوش ولا أي أوباما تاني هيفكر فيك. يا عربي مفيش غير إيدك هي اللي راح تحميك".
يشار إلى أن شعبان عبد الرحيم قدم عدة أغنيات سياسية تناولت شخصيات وزعماء سياسيين.
كلمات الاغنية
يا سكة الندامة يا دنية الوحوش..
إياك باراك أوباما مايكنش زي بوش..
بوش يخرب بيته باعنا وضيّعنا سنين وأوباما
الناس فاكرين هيكون صلاح الدين..
ما هو بوش ابن المجنونة شعللها في كل مكان..
أفغان وعراق وغزة وآخرها سورية كمان..
هيعمل إيه أوباما في مصايب بوش وأبوه..
بلاش من بدري نحلم ليكون الحلم كابوس..
خلينا زي ما احنا ما الهم أخدنا عليه..
راح بوش وجه أوباما إيه يعني هيحصل إيه..
لسه فلسطين محتلة والحرب في العراق..
والناس عايشة في مذلة وعداء بيجيب عداء..
مهما هيعمل أوباما ويلف شمال ويمين..
لا هيرجع الحريري ولا حتى الشيخ ياسين..
سلامتك ألف سلامة يا عم عربي عليك..
قاعد مستني أوباما علشان ياخد بإيديك..
ولا بوش ولا أي أوباما تاني هيفكر فيك..
يا عربي مفيش غير إيدك هي اللي راح تحميك.