تطوان" فقصانة"

تطوان مال جبتهتك في الأرض محنية
واش حشمانة ولا حزنانة
احتى واحدة من هادوا يا موي هنية
راني فقصانة
علاش تفقاص يازينة المدون
يا اللي اسمك ماجي من العيون
فقصانة من أهلي وأولادي
أهلي كرفصوني وولادي هملوني
ولدي الكبير هاجر نبلاد الغربة
وبقا معاي غير الربيب
ما يرحم ما يصل القربي
ما يراعي فيا لا بعيد ولا قريب
وإذا مرضت ما يديني نطبيب
إوا صبري دبا وليلك حبيب
محالشي ما تربى في حجري ما رضع مني حليب
كيفاش بغيتيه يكون قلبو علي يا اموي هنية
واصبري داب يرجع ولدك الكبير وتشوفي فيه مزية
هاداك يوم سعدي وهناي
نضم في حضني ونخرجليه هدية
بعدا يشوف من هاذ الحال المهمال
ويخرج من الدار الأزبال
وتعود دارنا نقية.
ذ.يوسف الحزيمري