وصفات عيد الأضحى: طحال الغنمي معمر

نقترح عليكم وصفات عيد الأضحى 2013 طحال الغنمي معمر


اليوم بغيت نتقاسم معكم واحد الغديوة كنت درتها و اللي هي طحال معمر بيني و بينكم هادي اول مرة نديرو مكنتش كنزعم عليه كان كيبان ليا صعيب حتى تشجعت و درتو و قلت نديرو كيف ما غادي ناكلوه ماشفنا حد هههه ساعة الحمد لله جا مابيهش واخا تقطع ليا فاكتر من بلاصة.
كترت عليكم الهدرة .

المهم الطريقة ساهلة المشكلة غي فالتعمار ديالو خاصنا نردو البال باش ميتقطعش.

انا العمارة درت فيها كفتة و ارز مسلوق وزيتون مقطع و التوابل ملح + ابزار+ تحميرة+ كمون و التوم و بصلة محكوكة+ 2 بيضات و قليل من زيت الزيتون.و عمرت بها الطحال و غطيتو بورق ألمنيوم و دخلتو الفرن يطيب و ملي طاب حيدت الورق و خليتو تحمر.