العميد سايس: كنهدي هاد الرباح لجماهير ملعب طنجة وراه حتى حاجة ما كتجي هاكا

اهدى عميد "أسود الأطلس" غانم سايس فوز المنتخب الوطني على البرازيل البارح بجوج لواحد للجماهير المغربية اللي حضرات لملعب طنجة الكبير. العدد ديال هاد الجماهير فات 65 الف مغربية ومغربي.
وأضاف فندوة صحافية بعد الماتش٬ باللي هاد الرباح هو "تتويج للإنجاز التاريخي وغير المسبوق الذي حققته العناصر الوطنية في كأس العالم بقطر" وباللي حتى حاجة ما كيجي هاكا. اذ خاص "الاستعداد الجيد" وخاص لعابة متمرسين باش تربح منتخب كبير بحال البرازيل.
وكان مدرب الاسود وليد الركراكي قال باللي ماشي ساهل تفوز على المنتخب الأول عالميا٬ واوضح باللي كان عارف الماتش قوي، واعتابر هاد الشي "انجاز كبير" وشكر اللعابة اللي قامو بالواجب.
المغرب البارح ربح بجوج لواحد ماركاهم سفيان بوفال (د 29)، وعبد الحميد الصابيري (د 79) والهدف الوحيد للبرازيل ماركاه كاسيميرو (د 67).
الاسود عندهم ماتش اخر اميكال الثلاث بمدريد ضد البيرو