علاش كان وحيد فرحان بزاف وكلشي اللعابة جاو عندو باش ماركا بوفال البيت؟ المدرب عاود اش وقع

تحدث مدرب الاسود وحيد عن سبب فرحتو بالهدف اللي سجلو بوفال فاول ماتش عن المجموعة الثالثة للمنتخب فنهائيات كأس افريقيا للامم بالكاميرون.
وقال وحيد انو فرحان باللعابة وهنأهم بالفوز فماتش وصفو بالصعيب
وقال باللي لعب ماتش ناقصينو شي 5 لعابة اساسيين سوا بالاصابة سوا بالكوفيد وهاد الشي زاد صعب الماتش.
واوضح فندوة صحافية بعد الماتش باللي كان عارف ان الماتش ما غاديينش يتاحو فيه فرص كثيرة ولكن عجبوني اللعابة باصرارهم.
وبخصوص باش جاو عندو اللعابة وعنقوه بعد تسجيل بوفال الهدف «بيناتنا علاقات انسانية. توطدات فهاد المدة »
واكد انو دار الثقة فبوفال وحملو المسؤولية. وباللي ما عجبوش فالشوط الاول وما كانش راضي عليه ولكن فالشوط الثاني تقاتل ولعب بزاف
المدرب قال باللي قال لبوفال « انت اللي غادي تربحنا »
هاد الشي كولو هو اللي كيفسرو بفرحة الهدف اللي ماركاه للمنتخب