عاجل. الاسود من اللولين اللي وصلو لياوندي =البوم تصاور الوصول=

وصل المنتخب المغربي لكرة القدم قبل قليل الى مدينة ياوندي الكاميرونية للمشاركة فكأس افريقيا للامم اللي غادية تبدا نهار 9 من هاد الشهر وتسالي ف6 من فبراير الجاي
المنتخب المغربي من المنتخبات اللولى اللي وصلات للكاميرون. بغاو يمشيو 7 ايام قبل اول ماتش. الاجواء تماك ما عندها علاقة لا بالمغرب ولا باوربا للي كيلعبو فيها غالبية اللعابة دياولنا. هاد الاجواء خاص اللعابة يتعايشو معاها ويعرفوها
المنتخب وصل ولكن باقيين ناقصينو لعابة. رومان سايس والحارس ياسين بونو من المتوقع حتى الثلاث عاد يوصلو للكاميرون. بونو عندو ماتش مهم بزاف غدا مع اشبيلية. ايلى ربح ممكن تولي فرقتو الاولى ف"لاليگا" خاصة بعد هزيمة الريال اليوم مع خيطافي بواحد لزيرو.
المنتخب ما مشى معاه حتى شي حد غريب على اللعابة والتقنيين والادارة الفنية والادرايين ديال الجامعة.