ما بقى غير ساعات للمواجهة المنتظرة بين المنتخبين المغربي والايراني عن اول مباراة في المجموعة الثانية في مونديال روسيا بمدينة سان بيترسبورگ. هاد الصباح لبسات المدينة لحمر. لمغاربة كثار بزاف جايين يشوفو الماتش. امواج بشرية نازلة من محطة القطار للميترو باش يمشيو لليتران اللي فتح بيبانو هادي ساعة. اجواء حماسية عايناتها “كود”. لمغاربة ثايقين فالرباح فنهار العيد تماك فالمغرب. اللي تلاقاو “كود” وسولاتو كيقول باللي الرباح كاين. والسبب “تايقين فالمنتخب”. لمغاربة من كاع دول العالم جايين. الايرانيون حتى هما كثار وجاو بزاف. باينة الملعب غادي يكون مقسم عاينت “كود” قبل قليل بعض الجماهير بصور لاعبين مثل امرابط وزياش امام فندق اقامة المنتخب. كلشي معيد هنا. وباغيين يربحو لمغاربة ناشطين قدام فندق المنتخب هاد الصباح وواثقين من الرباح Publiée par GOUD sur vendredi 15 juin 2018
