هذا درس زوين للرياضيين المغاربة الخاسرين ف أولمبياد طوكيو.. روبو جاپوني ماكيزكَل حتى هدف ف الباسكيط – فيديو

عرض زوين وممتع دارو روبو جاپوني، وسط ماتش ديال الباسكيط تلعب بين منتخبي فرنسا وميريكان، ضمن منافسات دورة الألعاب الأولمبية "طوكيو 2020′′، المقامة بين 23 يوليوز حتى 8 غشت المقبل.
وبمجرد انتهاء الشوط الأول من المباراة، نزل الروبو الجاپوني للتيران، وشد الكرة، وبدا يسجل ف الأهداف، الشي اللي تعجب بيه الجمهور، خصوصا وأنه ماكيزكَل حتى هدف.
و الروبو الجاپوني كان لابس توني ديال لعابة الباسكيط ف الألمبياد، والجمهور صفق عليه بزاف على كل هدف ماركاه.
ومثلا قدر هاد الروبو يدخل الكرة فالشبكة من وسط التيران، وهي المسافة اللي كايصعاب على اللعابة يماركيو منها.
A basketball-shooting robot!!!
Haven't seen anything like it since the Spurs sent one to Toronto. pic.twitter.com/l9L7k2FDou
— Mike Finger (@mikefinger) July 25, 2021