الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

وصلت اليوم السبت بعثة فريق الأهلي المصري إلى المغرب، باش تشارك فكأس العالم للأندية اللي غتبدا الاسبوع الجاي.
طائرة الأهلي المصري وصلت قبل لحظات لمطار طنجة وجات له من القاهرة، وسط إجواء ديال فرحة البعثة المصرية بحفل الاستقبال اللي داروه المغاربة لهم فالمطار.
وغيتوجه فريق الأهلي المصري لفندق اقامتو باش يرتاحو لاعبيه، ومن المنتظر يبدا غدا الأحد التداريب فتيران سانية الرمل بمدينة تطوان، استعدادا لكأس العالم للأندية.
للإشارة فالأهلي المصري غادي يلعب أول ماتش فكأس العالم للأندية مع أوكلاند سيتي، الأربعاء المقبل فاتح فبراير فالدور الأول من البطولة بملعب طنجة الكبير.