المهدي النفتي جمع اللاعبين ديال الوداد وبدا يوجد فيهم للعودة بالرباح من تطوان (تصاور)

رجع الوداد الرياضي لأجواء التداريب اليوم الجمعة، باش يوجد الماتش الجاي ضد المغرب التطواني اللي باغي يحقق فيه الفوز من أجل تجاوز التعثر فالمبارتين اللي فاتو ضمن منافسات البطولة الاحترافية لكرة القدم.
وخاض الوداد الرياضي صباح اليوم الجمعة فتيران بنجلون حصة تدريبية تحت إشراف المدرب المهدي النفتي، وخصصها هو والطاقم التقني ديالو لاسترجاع اللياقة البدنية ديال اللاعبين والرفع من مستوى تركيزهم إضافة للجانب التكتيكي، تحضيرا للماتش المقبل أمام المغرب التطواني واللي مفروض على الوداد يربحو.
وغادي يحل الوداد الرياضي ضيف على فريق المغرب التطواني الأحد المقبل فتيران سانية الرمل بمدينة تطوان، ضمن الجولة 11 من منافسات البطولة الإحترافية لكرة القدم، والعين ديالو على تحقيق الرباح باش يتجاوز 2 ماتشات اللي خسر مؤخرا، مع شباب المحمدية البارح وقبل منها مع الجيش الملكي ويحاول يقلص الفارق مع صدارة البطولة.