محنين.. المغرب التطواني غيجيو حتى لكازا باش يستقبلو وجدة حيث سانية الرمل مسدود

غادي يكون فريق المغرب التطواني مضطر يستقبل ماتش ديالو مع فريق مولودية وجدة، فالدورة 15 من الدوري الاحترافي، خارج مدينة تطوان بمئات الكيلومترات حيث تيران سانية الرمل مسدود.
وكشف مصدر مطلع أن المغرب التطواني غيستقبل الماتش ضد مولودية وجدة الأربعاء الجاي فتيران العربي الزاولي فكازا مع 4 لعشية، وهو أقرب تيران لقاتو إدارة الماط باش يقدر يلعب فيه الفريق الماتشات ديالو.
وبخصوص ملعب سانية الرمل اللي هو تيران المغرب التطواني، راه مسدود حيث كيوجدوه لكأس العالم للأندية حيث غيكونو فيه تداريب الفرق اللي غادي تلعب المسابقة فتيران طنجة الكبير.