أخنوش لصحيفة "L'Opinion" الفرنسية: باريس ماخاصهاش تكون غير "مراقب" فقضية الصحراء المغربية‬

رئيس الحكومة عزيز اخنوش دار اول حوار ليه مع صحافة اجنبية، مع صحيفة "L'Opinion" الفرنسية، وقال فيها انه كاين تطورات كبيرة بعدما قواة عالمية اعترفات بسيادة المغرب على الصحراء.
وزاد اخنوش: باريس ماخاصش تكون غير مراقب فقضية الصحراء المغربية، وأضاف: علاقتنا الاقتصادية مع فرنسا مازال غادي تطور.
وقال أخنوش فهاد المقابلة ان اتفاق الشراكة بين الاتحاد الأوروبي والمغرب خاصو قوة دفع جديدة.
واضاف رئيس الحكومة ان الأوروبيين جابو استثماراتهم للمغرب بعد جايحة كورونا، حيت كانو كيقلبو على بيئة قريبة ومفتوحة، واكد ان المغرب هو الشريك اللول ديال الاتحاد الأوروبي فافريقيا.
وهضر أخنوش على الازمة الصحية ديال كوفيد-19، وآثار الحرب فأوكرانيا، وتبعات الجفاف، اللي كيواجههم المغرب. وقال: خاص نتصرفو باهتمام مضوبل، اي نوفر الحلول للمغاربة، وفنفس الوقت نضمونو ليكيليبر الاقتصادي ديالنا.
وبالنسبة لرئيس الحكومة، الأولوية هي التقليل من اثار التضخم على الفيئات الضعيفة.