زعيم حزب بوكس فسبتة العنصري سب المغرب وعتابرنا دولة ابتزازية وقال على القاصرين لمغاربة ولاد العاهرات

سيرخيو ريدوندو زعيم حزب بوكس فسبتة، العنصري لي ديما كيسب المغرب وكيمارس العنصرية ديالو على لمغاربة، سربو ليه واحد الاوديو كيسب فيه المغرب وكيعتابرو دولة ابتزازية، وأنه كتبتز اسبانيا وكتاخذ لفلوس على الهجرة، ولكنها كتخلي ولادها عندهوم لي قال عليهم اولاد العاهرات.
وهضر حتى على الحرب الاهلية ديال فرانكو، وقال ان المغاربة شاركو فيها وذبحو الصبليون.
وقال أنه ماخاصش تبقى تعطى لفلوس للمغرب حتى يرضخ للشروط وياخذ ولادو، وأنه كل واحد من هاد القاصرين وصل لسن 18 لعام يمشي يقود لبلادو.
هاد التصريحات اثارت استنكار كبير، سيما ان بوكس كان فاز بمقعد برلماني فسبتة فالانتخابات الاخيرة.