ها الصبليون شوهونا. صحاب الجنسية الاسبانية من لمغاربة مسموح ليهم يرجعو ولكن المغرب اللي كيقرر

قالت السلطات الاسبانية فردها على استفسارات المقيمين المغاربة، وهادوك اللي عندهوم الجنسية، أن الدخول لاسبانيا ديما ممكن بالنسبة لاصحاب الجنسية والمقيمين، ولكن شروط الخروج من المغرب بالنسبة للناس لي عندهوم جنسية مغربية مرهون بالسلطات المغربية هي اللي كتقرر فيه.
وزادت في توضيحها، ومع احترام الحدود المغلقة مع مليلية، راه ماعندناش حتى بلاغ رسمي بأن سياجات غايتفتحو، وعلى العكس اليوم تم الاعلان على أن الحدود مع مليلية غاتبقى مسدودة حتى ل15 ماي.
رد السلطات جا على استفسارات المغاربة العالقين في المغرب وباغيين يرجعو لديورهوم ووليداتهوم في اسبانيا، لكن السلطات المغربية ماباغياش تطلقهوم.
وفي علاقة بالموضوع غدا الخميس غادية تكون وزيرة الخارجية الاسبانية فالكونگريس باش تجاوب على اسئلة على عودة الاسبان منهم مغاربة عندهم جنسية هاد البلاد