واش قادر ينقد الفرقة؟ اتحاد طنجة انتخبات الشرقاوي رئيس جديد

تم انتخاب محمد الشرقاوي رئيسا جديد لنادي اتحاد طنجة اليوم الأحد، باش يكون فالمرحلة مقبل مكان الرئيس المستقيل محمد أحكان.
وتقرر خلال فعاليات الجمع العام الاستثنائي ديال اتحاد طنجة انتخاب محمد الشرقاوي، حيث كان هو المرشح الوحيد، داكشي علاش طلع رئيس.
وكيعولو المنخرطين ديال اتحاد طنجة على محمد الشرقاوي باش يشكل مكتب مديري، ويعتق الفريق من الوضع الكارثي اللي كيعيش فيه هاد الموسم من بعدما صبح كيطل على القسم الثاني، ولكن طنجاوة كلهم كيتساؤلو على القدرة ديالو فانقاذ طنجة من مغادرة القسم الأول ولا حتى هو غادي يدوز مدة يهرب كيفما دار اللي قبل منو.