استقالتو او اقالتو فايك وزفوط. وزير العدل: كنشتاغل بشكل عادي فوزارة العدل وكأمين عام لحزب الاصالة والمعاصرة

وزير العدل عبد اللطيف وهبي خدام كوزير للعدل وكامين عام حزب الاصالة والمعاصرة. كل ما تقال علي اقالتو من الحكومة او استقالتو فايك وكذوب وزفوط.
هاد الشي اللي صرح بيه المعني بالامر فحوارو "مع الرمضاني" اللي غادية تبثو "دوزيم" اليوم الاحد 8 يناير 2023 فالعشية.
الوزير اكد فاول خرجة ليه فالتلفزيون بعد تصريح كان عطاه ل"الاخبار"٬ باللي مازال امين عام لحزب التراكتور ومازال وزير فحكومة عزيز اخنوش كيشرف على قطاع العدل.
هاد الضجة اللي كطالب براسو جات ماشي غير على الضجة اللي ثارت بعد الاعلان على نتائج الامتحان الكتابي لولوج مهنة المحاماة٬ بل على تصريحو لوسائل الاعلام قال فيه بعد ما سولوه على نجاح ولدو فهاد الامتحان بللي باه =اللي هو وهبي= لاباس عليه" ورسلو للخاريج يقرا =كندا= وعندو جوج اجازات.
وهبي كيف قلنا جاي اليوم ل"دوزيم" فبرنامج "مع الرمضاني" باش غادي يدافع على وجهة النظر ديالو وعلى النتائج.
وهبي فالبرومو ديال الحوار قال :"كل من نجح قد نجح"، مشددا بأنه الحكومة تشتغل ليل نهار وكاين انسجام وأنه كوزير كيتحمل مسؤوليتو فكولشي.