أخنوش: ما كنتكلموش بزاف ولكن ما غاديش نبدلو وجهنا

عزيز اخنوش رئيس الحكومة قال فاول خروج اعلامي ليه بعد تعيينو فهاد المنصب، باللي "حنا حكومة كتخدم ما كتكلمش، حنا ما كنتكلموش بزاف ولكن كنشتغلو أكثر... وما غنبدلوش وجهنا"، مضيفا ان "المغاربة بغاو يشوفو النتائج أكثر ما يشوفو رئيس الحكومة".
واوضح فحوارو مع "الاولى" و"دوزيم" هاد الليلة بمناسبة 100 يوم من تعيين الحكومة، ان هاد الاخيرة قدمات اشارات واضحة وباللي غادية تلتزم بوعودها.
واكد ان "التدابير اللي دارتها الحكومة أو اللي غادي ديرها كلها تحمل إشارات بأن الحكومة تلتزم وستكون وفية لالتزاماتها".
كما اكد اخنوش ان الحكومة بدات الخدمة منذ تعيينها من طرف الملك، وباللي واعية وما عندهاش الحق فهدر الزمن.
واضاف ان هاد الحكومة قدرت في ظرف صغير باش توجد البرنامج حكومي، وبنفس السرعة والفعالية تم إعداد قانون.