الناخب الوطني: مدرب إسبانيا كبير وحتى أنا غادي نولي ندير "تويتش" فحالو

عبر الناخب الوطني وليد الركراكي على الإعجاب ديالو بالناخب الإسباني لويس إنريكي وكيفاش كيخدم، وقال بلي حتى هو باغي يدير فحالو وفرحان حيث غادي يلعب ضدو غدا فثمن نهائي كأس العالم قطر 2022.
وتحدث وليد الركراكي فالندوة الصحافية قبل ماتش المغرب وإسبانيا على المدرب لويس إنريكي وقال: "المدرب ديالهم كبير عندو شخصية زوينة وكيعرف يحيد الضغط على اللعابا ديالو".
وليد الركراكي عاجبو حتى كيفاش كيتواصل لويس إنريكي فالمنصات الإلكترونية وقال: "زين هاد البلان ديال التويتش اللي كيدير عجبني حتى انا غادي نولي نديرها، وراني فرحان حيت غادي نلعب ضدو".