شكون هو الصحافي اللي قال ليه الركراكي فندوة بعد ماتش كرواتيا: واش انت مغربي بعدا. "كود" تلاقاتو وفهاد الحوار گال لينا هو منين وحوايج كثار على هاد التصرف الغبي من مدرب الاسود =فيديو

فالندوة الصحافية اللي دارها وليد الركراكي مدرب الاسود بعد ماتش التعادل مع كرواتيا فاولى ماتشاتنا فالمونديال القطري عن المجموعة 6 سول صحافي رياضي المدرب على واش ما زگلش الرباح.
الركراكي جاوبو قبل ما يدخل فالموضوع: واش انت مغربي بعدا. الصحافي هو رياض الغازي ناشر الموقع الرياضي "ديربي". معتمد من الفيفا لتغطية المونديال وصاحبنا سولو على الجنسية ديالو.
"كود" تلاقات مع رياض. سولاتو كيفاش عاش هاد اللحظة. علاش سكت. واش بقى فيه الحال وواش غادي يكمل المونديال ويسول الركراكي اللي كيعرفو٬ كيف كيدير ديما.
وشوفو باش تعرفو اش قال فهاد الحوار من الدوحة مع الصحافي لحريزي المغربي رياض الغازي