الركراكي: الإعلام الإسباني ما غاديش يأثر علينا وحتى الصحافة ديالنا دايرا عليهم الضغط

أكد الناخب الوطني وليد الركراكي بلي المنتخب الوطني المغربي ما غاديش يتأثر بالإعلام الإسباني والضغط اللي كيحاول يدير قبل ماتش الأسود لاروخا فثمن نهائي كأس العالم قطر 2022.
وعلق وليد الركراكي على بعض التقارير ديال الإعلام الإسباني اللي تكلمت على أن المنتخب الوطني المغربي عندو لعابا ما تولدوش فالمغرب ومنو اللي وصف ليكيب ناسيونال بمنتخب الأمم المتحدة، وقال بلي هادشي ما غاديش يأثر على المنتخب المغربي.
وقال وليد الركراكي بلي هاد الضغط اللي كيديرو الإعلام الإسباني عادي وحتى الإعلام المغربي كيدير الضغط عليهم، وهادي حرب إعلامية ولكن كتبقى الكرة هادي.