ماتش الرجاء والترجي بلا جمهور ف مراكش والتوانسا وصلو للمغرب

وصل الترجي التونسي للمغرب باش يلعب 2 ماتشات أميكال إعداديين، وغادي يلعب الأول ضد الرجاء الرياضي والثاني ضد الفتح الرباطي فالأيام اللي جايا.
الترجي جاو فرحلة جوية من مطار تونس قرطاج إلى المغرب ووصل لمطار محمد الخامس وشدوها من كازا لمراكش الليلة اللي فاتت، وغادي يلعبو ضد الرجاء بالمدينة الحمرا نهار السبت الجاي، ومن المنتظر يكون الماتش ويكلو ما بينهم، وغادي يشدو الرجاء حتى هما الطريق لمراكش باش يلعبو ضد التوانسة.
وقرر الترجي التونسي يدير معسكر فالمغرب بالتزامن مع توقف منافسات البطولة التونسية بسبب مشاركة منتخب تونس فكأس العالم، وغادي يلعب من بعد الرجاء مع الفتح الرياضي.