الترجي التونسي باغي يتدرب فالمغرب ويلعب مع الرجاء

عبر الترجي التونسي على الرغبة ديالو باش يلعب ماتش أميكال ضد الرجاء الرياضي فالأيام اللي جايا، بالتوازي مع فترة التوقف الدولي بسبب إقامة كأس العالم فقطر.
وكشف مصدر مطلع أن الترجي التونسي راسل الرجاء الرياضي، وباغي يجي يلعب معه ماتش أميكال وأن الفريق التونسي عندو رغبة باش يدير معسكر فالمغرب ويلعب مع فرق أخرى مباريات ودية إلى جانب الخضرا من بينها الفتح الرياضي.
وبخصوص الرجاء الرياضي فكيستفدو العابا ديال الرجاء من أسبوع راحة، منحها لهم المدرب منذر الكبير من بعدما ربحو شباب السوالم فالبطولة الإحترافية السبت اللي فات، قبل ما يرجعو يتدربو من جديد إستعدادا للمنافسات المقبلة.