السوالم: ها فين غادي نلعبو مع الرجاء وبحضور الجمهور

تقرر يتلعب ماتش شباب السوالم والرجاء الرياضي فتيران البشير بمدينة المحمدية، وبحضور الجمهور عكس ما تم الترويج له فوقت سابق على أن اللقاء غادي يكون ويكلو.
وعلن شباب السوالم قبل لحظات على أن الماتش ديالو ضد الرجاء فالجولة 8 من البطولة الإحترافية لكرة القدم، غادي يتلعب السبت الجاي فتيران البشير فالمحمدية وبحضور الجمهور.
للإشارة فالمسؤولين ديال شباب السوالم كانوا باغيين يلعبو ضد الرجاء الرياضي فتيران برشيد، لكن تقرر باش يتلعب الماتش فتيران البشير بالمحمدية، مع العلم أن السوالم معولين على هاذ الماتش باش يدخلو الصرف حيث الجمهور ديال الرجاء عندو قاعدة كبيرة.