التكناوتي: كنشكر الوداديين على دعمهم وغادي نديرو شي حاجة هاد المرة فالمونديال

وجه الدولي المغربي رضا التكناوتي حارس مرمى الوداد الرياضي اللي تم الاستدعاء ديالو للمنتخب الوطني المغربي المشاركة فكأس العالم، الشكر للجماهير المغربية والوداديين على الدعم ديالهم وواعدهم بمشاركة ناجحة للمنتخب فمونيال قطر 2022.
وقال رضا التكناوتي فتصريح للصفحة الرسمية ديال الوداد الرياضي: "كنشكر الجماهير المغربية والودادية على دعمهم لنا كلعابا ديال الوداد وحنا مفتاخرين باش نكونو فليكيب ناسيونال وليا شرف كبير باش نكون نفسخة أخرى من كوب ديموند وهاذ العام غادي نديرو شي حاجة زوينة ونفرحة الجمهور المغربي".
للإشارة فكانت منافسة قوية ما بين رضا التكناوتي حارس الوداد الرياضي وأنس الزنيتي حارس الرجاء الرياضي على شكون اللي غادي يمشي مع المنتخب الوطني المغربي لكأس كحارس ثالث، قبل ما يمنح وليد الركراكي الناخب الوطني الفرصة للتكناوتي, اللي غادي يكون فكوب ديموند مرة ثانية من بعدما شارك فعام 2018.