نايف أكرد: كنحلم من صغري نلعب كأس العالم وغادي نخليو المغاربة يفتاخرو بنا

فرح الدولي المغربي نايف أكرد لعاب ويستهام الننكليزي حيث غادي يشارك مع المنتخب الوطني المغربي فكأس العالم المقبلة فقطر، وأكد بلي كان الحلم ديالو فصغرو يلعب كوب ديموند.
وتفاعل نايف أكرد ولد مدينة القنيطرة و اللي وصل بالاجتهاد ديالو والخدمة للاحتراف الننكليزي مع لائحة المنتخب الوطني المغربي اللي غادي تشارك فكأس العالم وقال ففيسبوك: "لعب أهم مسابقة على مستوى العالم مع منتخب بلدي حلم الطفولة".
أكرد أكد بلي هو والزملاء ديالو فليكيب ناسيونال غادي يتقاتلو باش يشرفو المغاربة وقال: "غادي نديرو كل ما فجهدنا باش نخليو المغاربة مفتاخرين بنا".