الوداد بطل المغرب وإفريقيا بوحدو اللي حاضر من البطولة مع المنتخب فكأس العالم

غادي يكون الوداد الرياضي هو الفريق الوحيد من البطولة الاحترافية اللي حاضر فلائحة المنتخب الوطني المغربي فكأس العالم قطر 2022، وهي اللائحة اللي كتكون من 26 لعاب غادي يدافعو توني المغرب فكوب ديموند.
وعرفت لائحة المنتخب الوطني المغربي اللي غادي تشارك فكأس العالم قطر 2022، تواجد كل من حارس المرمى رضا التكناوتي، والظهير الأيسر يحيى عطية الله، ولاعب وسط التيران يحيى جبران، وهاذ الثلاثي كيلعب الوداد وهاكذا كيكون بطل المغرب وإفريقيا الفريق الوحيد من البطولة اللي حاضر فلائحة المنتخب المغربي فكأس العالم وأكثر فرقة ممثلة فهاذ اللائحة.
وإلى جانب الأسماء الثلاث المذكورة فكاين أيضا ولد الوداد أشرف داري فلائحة كأس العالم، واللي انتقل مؤخرا من الحمرا إلى فريق بريست الفرنسي وكان قدم مستوى جيد فماتس الاسود مؤخرا ضد كل من الشيلي والبراكواي.