ما عندهومش الزهر.. الزنيتي والحدادي ما غاديش يمشيو للمونديال وحتى الكعبي والرحيمي

عرفت اللائحة ديال المنتخب الوطني المغربي اللي مشاركة فكأس العالم المقبل فقطر غياب عدد من الأسماء اللي كانت كتواجد فالسنوات الأخيرة مع ليكيب ناسيونال، واللي كانت مشرحة بقوة باش تشارك فمونظيال قطر 2022.
وعلن الناخب الوطني وليد الركراكي على 26 لعاب اللي غادي يدافعو على قميص المنتخب الوطني المغربي فكأس العالم 2026، وهاذ اللائحة عرفت غياب كل من أنس الزنيتي حارس الرجاء الرياضي اللي دار عملية جراحية مؤخرا، وفيصل فجر اللي كيلعب فالسعودية، ويونس بلهندة اللي كيلعب فتركيا، ومنير الحدادي اللي كيلعب فالصبليون، وايوب الكعبي المتألق فتركيا، وسفيان رحيمي اللي هو أحسن دابا فالامارات.
للإشارة فرغم أن لائحة المنتخب الوطني المغربي اللي مشاركة فكأس العالم صدرت، إلا أن الناخب الوطني وليد الركراكي عندو الحق تغيير أي لاعب قبل من 24 ساعة على أول ماتش فكوب ديموند واللي غادي يكون ضد كرواتيا.