انطلاق أشغال الصيانة فسطاد دونور

من المنتظر يعرف تيران المركب الرياضي محمد الخامس بالدار البيضاء أشغال صيانة وهاذشي خلال الأيام اللي جايا، من بعدما تحبسو ليماتش ديال الوداد والرجاء فالتيران بسبب توقف البطولة حيث المنتخب مشارك فكأس العالم فقطر.
وحسب مصدر مطلع فأشغال الصيانة فستاد دونور غادي تكون على مستوى أرضية التيران، حيث غادي تم عملية تغيير العشب وزرع بدور جديدة خاصة بفصل الشتاء، وهاذ الإجراء كيكون من مطرف المسؤولين على التيران مع اقتراب كل فصل شتاء.
وفضلو المسؤولين على تيران المركب الرياضي محمد الخامس بالدار البيضاء يتسناو يساليو الوداد والرجاء ليماتش ديالهم وتتوقف المباريات بسبب كأس العالم، باش يصلحو عشب التيران اللي بان مؤخرا متضرر بكثرة المباريات اللي تلعبت عليها، ويتجنبو يسدو التيران فوجه الفريقين.