اليمين المتطرف الفرنسي سالى مرحلة "لوبين". انتخاب بارديلا اللي عندو 27 عام

اليمين المتطرف الفرنسي "التجمع الوطني" جدد جلدو. بعد ازيد من 50 عام على هيمنة عائلة "لوبين" على هاد الحزب٬ اليوم السبت 5 نونبر 2022 انتاخبو اعضاؤو شاب عندو 27 عام وهو جوردان بارديلا خلفا لمارين لوبين بنسبة 85 بالمائة.
عائلة لوبين من خلال الاب جون ماري لوبين اولا ومن خلال بنتو مارين لوبين ظلت مهيمنة على الحزب من نهار تأسس ف1972.
القائد الجديد ل"التجمع الوطني" احد اقرب المقربين لمارين لوبين. دارتو فاللائحة الاوربية وعمرو 22 عام وكان ديما قريب منها احد كبار مساعديها سواء فالحزب او فالانتخابات الرئاسية او التشريعية.
دابا هو عضو فالبرلمان الاوربي.
دابا مع نمو الحركات اليمينية المتطرفة فاوربا٬ هاد الحزب باغي يحكم فرانسا. اخر انتخابات رئاسية كانت حصلات رئيسة "التجمع الوطني" على 41 بالمائة فالجولة الثانية محققة اكبر نتيجة لهاد الحزب. الانتخابات كان ربحها ايمانويل ماكرون