سفر الوداد للكويت فالشك

راجع الوداد الرياضي فكرة السفر إلى الكويت خلال فترة التوقف الدولي بالتزامن مع كأس العالم، باش يشارك فبطولة ودية منظمها العربي الكويتي.
وحسب المعلومات اللي جايا من تيران بنجلون، فالوداد الرياضي ومن بعدما عطى الموافقة باش يشارك فالدوري الودي فالكويت ما بين 22 نونبر الجاي و 5 دجنبر اللي جاي، شاف بلي هاذ المشاركة ممناسبهاش والاستعداد فالمغرب غادي يكون أحسن للفرقة.
ومن المنتظر يعتذر الوداد الرياضي بطل إفريقيا للمنظمين ديال البطولة الوطنية فالكويت اللي كانوا مراهنين على الحمرا باش يعطيو قيمة إضافة لبطولتهم، ويخوض معسكر تدريبي فالمغرب فانتظار استئناف المنافسات من بعد نهاية كأس العالم.