خالف مدرب الرجاء: ها علاش خسرنا ب 5 مع الوداد

فجر مصطفى خالف مدرب الرجاء الرياضي للسيدات حقائق كيشوف على أنها السبب وراء السقوط الديال الفرقة ضد الوداد الرياضي فديربي البطولة النسوية اليوم السبت فتيران روش نوار، بنتيجة 5 لبيوتا لزيرو.
مدرب الفريق النسوي للرجاء خالف تبرأ من الخسارة مع الكبيرة ضد الوداد وقال فتصريح له: "ما لعبنا حتى ماتش أميكال، ويالاه بدينا هاذي 3 سيمانات وما يمكنش تكون فرسق فهاذ المدة".
وزاد مصطفى خالف وقال: "تم اختيار لاعبات الفريق بلا حضوري، وأنا ماكنتش مع الفرقة وملي جيت لقيت اللاعبات وما يمكنش نعرف كل وحدة كيفاش كتلعب، وأنا ماشفتهاش فماتش أميكال من قبل باش نعرفها كيفاش كتلعب، راه الخسارة واردة ولكن الطريقة باش خسرنا اليوم ما مقبولاش".
للإشارة فكان الرجاء الرياضي للسيدات قبل أسابيع اندمج مع فريق أطلس 05، حيث كان مفروض على النادي يخلق فريق تنافسي فالبطولة النسوية ويخلق فريق ديال كرة القدم داخل القاعة باش يلعب فريق الرجال فالبطولة الإحترافية وهاذشي فحال كاع الفرق الوطنية الممارسة فالقسم الوطني الأول والثاني بقرار من الجامعة الملكية المغربية لكرة القدم.