وليد الركراكي: ها علاش ما لعبش رحيمي ضد الشيلي والبراگواي

أكد وليد الركراكي مدرب المنتخب الوطني المغربي لكرة القدم أنه متبع مزيان الدولي المغربي سفيان رحيمي نجم العين الاماراتي، وبرر السبب اللي خلاه ما لعبوش ضد كل من الشيلي والباراكواي.
وكشف وليد الركراكي فحوار إذاعي مع "راديو مارس"، وهو كيرد على الناس اللي انتقدوه حيث ما لعبش سفيان رحيمي ضد الشيلي وباراكواي، أن ولد يوعري لعب فالمعسكر الأخير ديال المنتخب الوطني المغربي ضد منتخب مدغشقر، ولكن ماكانش واجد.
وليد الركراكي أكد أن سفيان رحيمي ملي جاء من فرقتو للمعسكر ديال المنتخب كان عندو الوزن زايد، وبلي تكلم معه وقاليه إلى بقيتي فهاذ نيفو راه ماغاديش تميش مع المنتخب لكأس العالم، وهاذشي فهمو اللعاب وهو اللي انعكس عليه إيجابيا وخلاه كيماركي مع العين الاماراتي مؤخرا.